Français English Монгол 中文 Español Deutsch Русский اللغة الانجليزية

Монголын уран бүтээлч Түвшөө өөрийн зурагнуудын өмнө

Цэнд Аюушийн Түвшинжаргал

1982 онд Улаанбаатар хотод төрсөн, 1997-2001 онд “Анима” Дүрслэх урлагийн коллежид сурч, боловсрол эзэмшсэн Цэнд Аюуш овогтой Түвшинжаргал (Түвшөө) нь Монгол улсын СУИС – ийг Уран зургийн чиглэлээр бакалавр зэрэгтэй төгссөн юм.
Түвшинжаргал нь амьдрал, нийгэм, гэр бүл, найз нөхөд зэргийг уран сайхнаар дүрслэн харуулдаг авьяастай уран бүтээлч.
Түүний уран бүтээлийн ихэнх хэсгийг тод өнгөт зурагнууд эзэлдэг бөгөөд түүний зураг зурах хэв маяг бусдаас өвөрмөц онцгой байдаг.

Эмэгтэйчүүдийн амьдралын гурван үе шат

"Баярын нулимс"

2013 Зотон даавуун дээр акрил будгаар зурсан. Хэмжээ: 100x130 cm

Зураг дээрх гурван эмэгтэй бол өөр өөр гурван дүр биш. Энэ бол амьдралын өөр өөр үе шатандаа буй нэг эмэгтэй юм. Голын зураг дээр дүрсэлсэн эмэгтэй бол хэн нэгэнд дурласан, баярын нулимс унагаж буй дүр. Харин нөгөөдүүл нь эмэгтэй хүн болж байгаа, эхийн хайрын мэдэрч байгааг дүрсэлсэн байна.

Хүмүүсийн аз жаргалын дүрслэл

"Шар өдөр"

2010 Зотон даавуун дээр тосон будгаар зурсан. Хэмжээ: 70x50 cm

Энэ зургаар зөвхөн хүмүүсийг баярлуулах, аз жаргалыг харуулахаар зорьжээ.

Гэр бүлийн амьдралын дүрслэл

"Гэр бүл"

2014 Зотон даавуун дээр тосон будгаар зурсан. Хэмжээ: 100x100cm

Үнэндээ энэ бол Түвшөөгийн гэр бүл. Гэр бүлийнхээ бүх гишүүдийн тоглож буй зүйлээс урам авдаг. Нөхөр нь үргэлж дайн байлдаантай цахим тоглоом тоглодог учраас цэргийн хувцастай зуржээ. Tүвшөө эвлүүлдэг зурагт тоглоомоор тоглох дуртай. Тиймээс өөрийгөө үгийн сүлжээ маягийн хээтэй даашинзтай зурсан байна. Харин хүү нь лего тоглоомоор тоглож, өрж барих дуртай учраас лего загварын богино ханцуйтай цамцтай зуржээ. Охин нь тухайн үед маш жаахан, дөнгөж нэгхэн настай байсан учраас гарт нь хүүхэлдэй бариулан зуржээ. Энэ бол охиноо хэзээ нэгэн өдөр ээж болохыг бэлэгдсэн хэрэг юм.